The Elder Scrolls Wiki
Register
Advertisement
Skyrim

The Elder Scrolls V: Skyrim — камп'ютарная ролевая гульня, пятая частка ў серыі The Elder Scrolls.

У 2006 годзе ZeniMax Media, уладальнік Bethesda Softworks, зарэгістраваў гандлёвую марку «Skyrim».

На QuakeCon 2009 Тод Говард з Bethesda Softworks паведаміў, што ў студыі «ў гэты момант няма планаў па стварэнні TES V». Аднак пасля іншы супрацоўнік Bethesda аспрэчыў гэтыя словы і паведаміў, што «серыя абавязкова будзе працягнута», але не ўдакладніў часавыя рамкі.

На выстаўцы QuakeCon 2010 выканаўчы прадзюсар Bethesda Game Studios Тод Говард паведаміў, што ў кампаніі распрацоўваецца яшчэ адзін новы праект — разам на гэты момант вядома пра два, абодва не анансаваныя. Па яго словах ужо была завершана праца над дызайнам другога праекта. Гульня робіцца на новым рухавічку, распрацаваным сіламі Bethesda Game Studios.

Як гаворыць Говард: «Fallout 3» у тэхнічным плане быў куды больш дасканалым, чым Oblivion. А новая мадыфікацыя будзе яшчэ больш сур'ёзным крокам наперад. Рухавічок працуе на існуючых платформах, магчымасцямі якіх мы цалкам задаволены. Але калі вы запусціце гэту гульню, то адчуеце, быццам гуляеце на кансолі наступнага пакалення». Асабліва варта адзначыць адну з дэталяў заявы Говарда: у новых гульнях кампаніі не будзе абмежавання на ўзровень развіцця персанажа, якое падвяргалася шырокай крытыцы з боку супольнасці.

У лістападзе 2010 па сцвярджэнні Eurogamer Denmark стала вядома, што Bethesda Game Studios на ўсю моц занята працай над пятай гульнёй серыі The Elder Scrolls — прамым працягам The Elder Scrolls IV: Oblivion. Па словах журналіста дацкага выдання, крыніца не толькі пацвердзіла, што гульня знаходзіцца ў распрацоўцы, але і сцісла згадала пра яе змест. У прыватнасці, прагучалі словы Dragon Lord і The Blades. Студыя ў найбліжэйшыя тыдні плануе пачаць запіс акцёраў. Тая ж крыніца, якая мае па сведчанні журналіста афіцыйны дыздак, паведаміла, што гульня будзе храналагічным сіквелам Oblivion.

Напачатку снежня 2010 на Spike TV Video Games Awards гульня была анансавана Тодам Говардам і быў паказаны першы тызер-трэйлер. Гульня атрымала падзагаловак «Skyrim» і была агучана дата выхаду — 11 лістапада 2011 года. Джэрэмі Соўл пагадзіўся працягнуць супрацоўніцтва з Bethesda Softworks, пачаўшы пісаць саўндтрэк да гульні. У першых лічбах студзеня выйшаў лютаўскі выпуск амерыканскага часопіса Game Informer з апісаннем асаблівасцяў гульні і скрыншотамі.

17 студзеня 2011 стала вядома, што гульня будзе працаваць пад кіраваннем гульнявога рухавічка Creation Engine для апрацоўкі і вываду выявы, Radiant AI для паводзін негульнявых персанажаў, Havok Behavior для рэалізацыі багатай анімацыі, Radiant Story для генерацыі другарадных заданняў. Пазней была анансавана прылада пад назвай Creation Kit для мадыфікацыі даных гульні і стварэння плагінаў.

У The Elder Scrolls 5: Skyrim не будзе выкарыстоўвацца тэхналогія Kinect, па словах распрацоўшчыкаў, яна расходавае занадта шмат памяці.

4 лістапада 2011 года была адпраўлена ў друк РС-версія The Elder Scrolls V: Skyrim. У некаторых магазінах першыя пакупнікі гульні атрымалі ў падарунак бірульку ў відзе сімвала імперыі – цмока. Адначасова з The Elder Scrolls V: Skyrim для РС у продаж паступілі версіі для PlayStation 3 і Xbox 360.

11 лістапада 2011 года гульня паступіла ў сусветны продаж.

Сюжэт[]

Падзеі новай гульні з серыі Elder Scrolls адбываюцца праз 200 гадоў пасля падзей Oblivion. Існуе таксама раман па свету The Elder Scrolls — Infernal City, дзеянне якога разгортваецца праз 45 гадоў пасля завяршэння дзеяння Oblivion і дадатка Shivering Isles, у якім выкрываюцца наступствы падзей TES IV. Магчыма гэты раман можа стаць сюжэтным мастком, які злучыць падзеі The Elder Scrolls IV і новай часткі гульні. Пасля смерці караля ў Скайрыме выбухнула грамадзянская вайна паміж прыхільнікамі і праціўнікамі ўваходжання ў склад Імперыі. Кій Хаосу, Нумідыум, Чырвоная гара, вароты Аблівіяна і, нарэшце, братазабойчая вайна з'яўляюцца часткамі старажытнага прароцтва пра вяртанне цмокаў, выгнаных тысячу гадоў назад. Яны вярнуліся і зараз чакаюць прышэсця бога-цмока Алдуіна, перамога якога прывядзе да знішчэння ўсяго свету. Толькі пратаганіст, апошні з цмоканароджаных, з дапамогай Эсберна, аднаго з апошніх пакінутых у жывых Клінкоў, зможа спыніць уварванне і выратаваць свет. Яму давядзецца ўзлезці на Пік Хротгара, пагаварыць са старажытным культам Сівабародых, навучыцца адменным цмокавым крыкам (своеасаблівай магіі цмокаў), якія дазволяць перамагаць цмокаў. Для таго, каб навучыцца ім, герою давядзецца наведаць некалькі старажытных свяцілішчаў і сутыкнуцца з грознымі ворагамі, такімі як зласлівыя драўгры, ажыўшыя мерцвякі-норды.

Месца дзеяння[]

Каралеўства Скайрым знаходзіцца на поўначы кантынента Тамрыэль. Клімат субарктычны і арктычны. Вялікую частку правінцыі займае тундра, якая пераходзіць на поўначы ў ледзяную пустыню, а на захадзе — у горны хрыбет. Фаўна прадстаўлена шаблязубымі тыграмі, ласямі, трусамі, ваўкамі, лісамі, мамантамі, гігантамі, тролямі, ледзянымі зданямі. На тэрыторыі каралеўства знаходзяцца пяць буйных гарадоў.

Геймплэй[]

Skyrim захоўвае канцэпцыю вялікага і адкрытага свету, характэрную для серыі The Elder Scrolls. Ігрок можа свабодна вандраваць па ўсёй тэрыторыі правінцыі Скайрым, якая ўключае ў сябе пяць буйных гарадоў, мноства дробных паселішчаў, а таксама шырокія прасторы дзікіх земляў і высокіх гор. У гарадах ігрок можа аддавацца такім заняткам, як гатаванне ежы, фермерства, праца з рудой ці кавальская справа. Пры гэтым, распрацоўшчыкі адзначаюць, што гульнявы працэс можа заняць каля 300 гадзін.

Узровень іграка павялічваецца па меры паляпшэння навыкаў. У гульні ёсць сістэма "левелінга" — наяўнасць новых рэчаў у магазінах і падзямеллях, а таксама сіла і колькасць пачвар, з якімі ваюе ігрок, залежаць ад яго ўзроўня. Распрацоўшчыкі вырашылі цалкам адмовіцца ад сістэмы класаў, прадстаўленай у Oblivion, папярэдняй гульні серыі. У гульні прысутнічаюць таленты — асаблівы здольнасці, звязаныя з вызначанымі навыкамі іграка. Таленты арганізаваны ў разгалінаваную сістэму пад назвай «дрэва навыкаў». Кожнае павышэнне ўзроўня дазваляе ўзяць чарговы талент. Усяго ў гульні 280 талентаў, разлічаных на 50 узроўняў; зрэшты, ігрок можа развіцца і вышэй пяцідзесятага ўзроўня — абмежавання ў гэтым працэсе няма.

HUD-інтэрфейс узнікае на экране толькі тады, калі здароўе, запас сіл, ці магія іграка падвяргаюцца вычарпанню. Компас — адзіны элемент інтэрфейсу, які прысутнічае на экране ўвесь час. Прадметы можна захоўваць у «выбранае» меню, а меню інвентара (пры адкрыцці якога гульня ставіцца на паўзу) па сваім візуальным стылі нагадвае компас. Знаходзячыся ў рэжыме інвентара, кожны гульнявы прадмет можна круціць, прыбліжаць і разглядаць у поўным 3D.

Зброя можна прызначаць як у правую, так і ў левую руку, што дазваляе несці па адной зброі ў кожнай руцэ. Адмысловае меню дазволіць іграку хутка перамыкацца паміж рознымі тыпамі зброі і даспехаў. Шчытом можна атакаваць, а на тое каб выстраіць ім блок патрабуецца вызначаны час. Кожны з тыпаў зброі (аднаручная, двухручная, лук) мае свая асаблівыя перавага і прызначэнне. Пры стральбе з лука патрабуецца больш часу на тое, каб нацягнуць цеціву, чым гэта было ў папярэдніх гульнях серыі Elder Scrolls, аднак стрэлы пры гэтым наносяць праціўніку большую шкоду. Па гэтай прычыне стрэлы каштуюь вельмі дорага і лічацца рэдкасцю. Ігрок, узброены лукам, можа выкарыстоўваць яго для абароны ў блізкім баі, гэтак жа, як можа выкарыстоўваць для гэтай мэты двухручную зброю ці шчыт (хоць шчыт у гэтай сітуацыі найбольш эфектыўны).

Розныя тыпы заклінанняў маюць розныя якасці — заклінанне холаду запавольвае і пры гэтым высільвае запас сіл, у той час як заклінанне агню наносяць працяглыя страты на ўсім працягу гарэння, і нават можа запаліць навакольныя аб'екты, а заклінанне электрычнасці спальвае варожую ману. Заклінанні можна вымаўляць адразу з дзвюх рук, Спалучэнне заклінанняў таксама магчыма, напрыклад агонь і маланка.

Ігрок можа бегаць і скакаць затрачваючы пры гэтым на здзяйсненне падобных дзеянняў запас сіл. Як і ў Morrowind і Oblivion, у гульні ёсць рэжым руху крадком. Пры гэтым, убачыўшы што ігрок кудысьці крадзецца, не-гульнявы персанаж (NPC) насцярожыцца і будзе ўважліва сачыць за далейшымі намерамі іграка. Кінжалы пры нападзе крадком дзейнічаюць асабліва эфектыўна, прычыняючы велізарны ўрон.

Асаблівасці[]

  • У гульню вернуцца пярэваратні, і ёсць магчымасць стаць адным з іх.
  • Зараз у кожную руку можна ўзяць зброю ці заклінанне, ваюючы дзвюма аднаручнымі клінкамі ці заклінаннямі, а таксама адначасова выкарыстоўваць зброю і заклінанне.
  • Ігрок зможа выкарыстоўваць некалькі стыляў бою. З узбраення будуць даступныя мячы, шчыты, булавы, сякеры і двухручная зброя. Напачатку гульні можна будзе абраць спецыялізацыю на нейкай зброі — гэта дасць магчымасць развіць яго яшчэ больш з дапамогай талентаў. Развіццё валодання мячом, напрыклад можа павялічыць шанец нанясення крытычнага ўдару, а сякерай дапаможа пакінуць у ворага крывацечныя раны, у сваю чаргу ўладанне булавой дазволіць прабіваць надзетую на ворага браню, дадаючы моц вашым ударам.
  • Выкарыстанне лука стане складаным, бо яго фізіка будзе зрушана ў бок рэалістычнасці.
  • У гульні пяць школ магіі. Школа «Містыцызм» расфармавана, частка яе заклінанняў перададзена ў іншыя школы.
  • Скасаваны класы персанажа, і зараз уплыў навыкаў на агульны ўзровень персанажа залежыць толькі ад іх развіцця. Пасля дасягнення чарговага ўзроўня ігрок атрымлівае новы талент. З'явіліся новыя здольнасці, напрыклад, падрыхтоўка ежы і рубка дроў. Аднак пасля 50-га ўзроўня развіццё персанажа моцна запавольваецца.
  • Зменена ўзаемадзеянне з NPC. Зараз яны падчас дыялогаў з персанажам могуць займацца сваімі справамі, не будзе маштабавання падчас дыялогу. Сістэма штучнага інтэлекту Radiant Story будзе пры выдачы квэстаў улічваць папярэднія дзеянні іграка.
  • Монстры ў гульні будуць падладжвацца пад узровень іграка. Аднак наведаўшы якое-небудзь падзямелле на 5-ом узроўні, а пасля вярнуўшыся на 50-ом, ігрок выявіць, што монстры ў падзямеллі 5-ага ўзроўня.
  • Забіўшы цмока, ігрок зможа паглынуць яго душу, гэта дазволіць яму атрымаць новую здольнасць.
  • У гульні будзе сюжэтная лінія за Цёмнае Брацтва, у якой будзе больш пастак і галаваломак.
  • Любы прадмет у інвентары можна будзе круціць, у тым ліку і кнігі, якія зараз будуць выкананы ў 3D.
  • Як і ў Oblivion, у гульні будзе прадстаўлена сістэма Fast Travel (ігрок зможа імгненна патрапіць у раней наведаную ім лакацыю). Аднак у некаторыя лакацыі іграка могуць даставіць на адмысловым экіпажы (як гэта было ў Morrowind)
  • Ігрок будзе мець магчымасць змяніць экіпіроўку непасрэдна падчас бітвы.
  • Шкода, якая наносіцца ў бітве, не залежаць ад таго, на якую частку цела прыйшоўся ўдар.
  • Калі ігрок «бяжыць спіной», то яго бег будзе значна запаволены.
  • Колькасць навыкаў іграка — 18.
  • Рубка лесу — адзін з неквеставых заняткаў, даступных іграку.
  • NPC узаемадзейнічаюць са сваім асяроддзем, да прыкладу працуючы на фермах, млынах, шахтах і лагерах лесасекаў. Таксама NPC могуць папытаць іграка аб трэніроўцы, ці выклікаць яго на дуэль; падобныя выпадковыя сустрэчы былі натхнёныя гульнёй Fallout 3, ранейшай гульнёй Bethesda.
  • Калі ў Oblivion ландшафт ствараўся галоўным чынам з дапамогай праграмы-генератара, то ў Skyrim, па словах распрацоўшчыкаў, усе элементы ландшафту размешчаны ўручную: «кожнае дрэўца, кожны каменьчык, кожны кубак…»
  • Калі ў Oblivion над стварэннем падзямелляў працаваў адзін чалавек, то ў Skyrim гэтым займаецца група з чатырнаццаці дызайнераў.
  • Пры стварэнні знешнасці для свайго персанажа ігрок можа абраць для яго бараду, шнары і г. д.
  • У гульні не будзе абмежавання на колькасць узроўняў
  • Калекцыйнае выданне гульні будзе складацца з ілюстраванага альбома на 200 старонак, статуэткі цмока Алдуіна, які сядзіць на сцяне, спісанай словамі на цмокавай мове, а таксама дыска з матэрыяламі, што адносяцца да распрацоўкі гульні.
  • NPC і ворагі, выказваючы каментары, цяпер звяртаць увагу на расу і экіпіроўку іграка. Напрыклад, гуляючы за каджыта, можна пачуць у свой адрас: «З цябе атрымаецца выдатны дыванок, кошка», і г. д.

Спасылкі[]


Альтэрнатыўныя інтэрвікі
Advertisement